Aİ ölkələri 215 milyon doza koronavirus peyvəndini məhv edib
Bakı, 18 dekabr, AZƏRTAC
Avropa İttifaqı ölkələri 4 milyard avro dəyərində 215 milyon doza yararsız COVID-19 vaksinini məhv edib.
AZƏRTAC “Politico” nəşrinə istinadla xəbər verir ki, Brüssel pandemiyanın ən qızğın dövründə - 2021-ci ildə ABŞ-ın “Pfizer” və Almaniyanın “BioNTech” kompaniyaları ilə böyük müqavilələr imzalayaraq tələb olunmayan xeyli sayda vaksin alıb. Lakin sonradan tələbatın azalması və logistika problemləri səbəbindən peyvəndin üçüncü ölkələrə tədarükündə problemlər yaranıb.
Avropa Komissiyası, həmçinin peyvəndlərin klinik sınaqları başa çatmamış onun Avropada istifadəsinə icazə verib. Eyni zamanda, istehsalçılar peyvəndlərin yan təsirləri üzrə hüquqi məsuliyyətdən azad ediliblər.
Bölmənin digər xəbərləri
