AI poeziyası klassik şairlərin əsərlərindən fərqlənmir
Stokholm, 17 noyabr, Nərgiz Cəfərli, AZƏRTAC
“Scientific Reports” jurnalında dərc olunan Pittsburq Universitetinin yeni araşdırması insanların süni intellektin yaratdığı şeirləri klassik şairlərin yazdığı əsərlərdən ayırd edə bilməyəcəyini müəyyən edib.
AZƏRTAC xəbər verir ki, eksperiment zamanı 1634 iştirakçı 10 şeir oxuyub ki, onların yarısı süni intellektə, qalanları isə Lord Bayron və Emili Dikinson kimi şairlərə məxsusdur. İnsanların bir çoxu səhvən süni intellektlə yazılmış şeirlərin insan yaradıcılığının məhsulu olduğuna və klassiklərin əsərlərinin isə AI tərəfindən yaradıldığına inanırdı.
Başqa bir testdə isə 696 iştirakçı şeirləri keyfiyyət, emosiya, ritm və orijinallığa görə qiymətləndirib. Süni intellektlə yaradılan şeirlər müəllifliyi açıqlanmayanda daha yüksək bal toplayıb.
Tədqiqat süni intellektin insan yaradıcılığını necə inandırıcı şəkildə təqlid edə biləcəyini nümayiş etdirərək, AI poeziyasının daha əlçatan və başadüşülən kimi qəbul edildiyini müəyyənləşdirib.
Bölmənin digər xəbərləri
