Aİ süni intellekt barədə dünyanın ilk qanunu qəbul edilə bilər
Bakı, 9 dekabr, AZƏRTAC
Avropa İttifaqına üzv ölkələr və Avropa Parlamenti süni intellektin istifadəsini tənzimləyən qanunla bağlı razılığa gəliblər.
AZƏRTAC “El Pais” qəzetinə istinadla xəbər verir ki, İspaniyanın Avropa İttifaqı Şurasındakı nümayəndəliyi bu barədə sosial mediada məlumat yayıb.
Məlumata görə, təşəbbüs Avropa İttifaqında satılan və istifadə olunan süni intellekt sistemlərinin təhlükəsizliyini, cəmiyyətin fundamental hüquq və dəyərlərinə hörmətlə yanaşılmasını təmin etmək məqsədi daşıyır.
Aİ-nin daxili bazar üzrə komissarı Terri Breton Avropanın süni intellektdən istifadə üçün aydın qaydalar müəyyən edən ilk qitə olduğunu bildirib. Qanunun qüvvəyə minməsi üçün Aİ üzvləri və Avropa Parlamenti tərəfindən ratifikasiya edilməlidir. Bunun 2026-cı ildə baş tutacağı gözlənilir.
Bölmənin digər xəbərləri
