Aleksandar Vuçiç: Serbiya NATO-nun Kosovodakı qüvvələrinin fəaliyyətini dəstəkləyir
Belqrad, 12 oktyabr, AZƏRTAC
Serbiya NATO-nun Kosovodakı Sülhməramlı Qüvvələrinin (KFOR) fəaliyyətini dəstəkləyir.
AZƏRTAC xəbər verir ki, bunu Serbiya Prezidenti Aleksandar Vuçiç Belqradda NATO-nun Neapoldakı Müttəfiq Birgə Qüvvələrinin komandanı admiral Stüart Benjamin Munşla görüşdə deyib.
“KFOR-dan öz qərəzsiz mövqeyini qoruyub saxlamasını və bölgədəki təhlükəsizlik vəziyyətini pozacaq hər hansı hadisəyə dərhal müdaxilə etməsini gözləyirik. Kosovoda serblərin onsuz da ağır olan vəziyyətinin ciddi şəkildə pisləşməsindən narahatam”, - deyə Serbiya Prezidenti bildirib.
A.Vuçiç görüşdə Qərbi Balkan regionunda və Yaxın Şərqdəki son hadisələrin müzakirə olunduğunu əlavə edib.
Qeyd edək ki, son dövrlərdə Kosovonun şimalında baş verən hadisələr Belqrad və Priştina arasında gərginliyi yenidən artırıb. NATO bu vəziyyət fonunda KFOR-un şəxsi heyətinin sayının artırılması ilə bağlı qərar qəbul edib.
Nihad Budaqov
AZƏRTAC-ın xüsusi müxbiri
Belqrad
Bölmənin digər xəbərləri
