“Alıe parusa” yaşayış kompleksində terror aktını Ermənistan vətəndaşı törədib
Moskva, 4 fevral, AZƏRTAC
“Alıe parusa” yaşayış kompleksində terror aktını Ermənistan vətəndaşı törədib.
AZƏRTAC xəbər verir ki, ilkin məlumatlara görə, yaşayış kompleksində baş vermiş terakt nəticəsində həlak olan ikinci şəxs intiharçı-terrorçunun özü olub. Ehtimal edilir ki, əvvəllər məhkum edilmiş Ermənistan vətəndaşı Donbasda “Arbat” batalyonunu yaradan Armen Sarkisyana qarşı partlayıcı qurğunu işə salıb.
Hadisə nəticəsində iki nəfər həlak olub: Armen Sarkisyanın özü və ehtimal edilən terrorçu. Hüquq-mühafizə orqanları hadisənin təfərrüatlarını və cinayətin motivlərini müəyyən etmək üçün istintaqa başlayıb.
Qeyd edək ki, fevralın 3-də Moskvada “Alıe parusa” yaşayış kompleksində qondarma DXR-in Boks Federasiyasının prezidenti və “Arbat” batalyonunun yaradıcısı 46 yaşlı Armen Sarkisyana qarşı sui-qəsd olunub. O, 2022-ci ilin sentyabrında Donbasda erməni batalyonunu yaradıb.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
