Alimlər: İqlim dəyişikliyi ərzaq məhsullarını zəhərləyir
Bakı, 2 iyun, AZƏRTAC
Alimlər belə qənaətə gəliblər ki, qlobal istiləşmə ərzaq məhsullarını zəhərləyərək insan sağlamlığı üçün potensial təhlükə yaradır.
AZƏRTAC informinq.ru saytına istinadla xəbər verir ki, yüksək temperatur və uzunmüddətli quraqlığın təsiri altında ilk növbədə kənd təsərrüfatı məhsullarında böyük miqdarda toksik maddələr formalaşır.
BMT mütəxəssislərinin fikrincə, belə maddələr insanların mütəmadi istifadə etdikləri dənli bitkilərdə - arpa, soya, darı, qarğıdalı və buğdada daha çox toplanır ki, bu da onların sağlamlığı üçün təhlükə doğurur.
Ekspertlər qeyd edirlər ki, normal hava şəraitində bitkilərin torpaqdan aldığı nitratlar faydalı amin turşuları və proteinə çevrilir. Lakin quraqlıq dövründə bitkilərdə toplanan böyük miqdarda nitrat orqanizmdə oksigen daşıyan qırmızı qan hüceyrələrinə mənfi təsir göstərir.
Bölmənin digər xəbərləri
