Alimlər: Zürafələrin sayı 152 mindən 90 minə qədər azalıb
Bakı, 9 dekabr, AZƏRTAC
Beynəlxalq Təbiəti Mühafizə İttifaqının tədqiqatçıları zürafələrin nəslinin kəsilmək üzrə olduğunu bildiriblər.
AZƏRTAC lenta.ru saytına istinadla xəbər verir ki, mütəxəssislər zürafələrin populyasiyasının hesablanması zamanı bu qənaətə gəliblər. Məlum olub ki, 1985-ci ildən zürafələrin sayı 152 mindən 90 minə qədər azalıb. Əgər vəziyyət dəyişməsə, zürafələr XXI əsrin sonunda tamamilə yox ola bilər.
Tədqiqatçılar zürafələrin sayının azalmasını insanların brakonyerlik fəaliyyəti, eləcə də Afrikada baş verən silahlı münaqişələr və bu heyvanların yaşayış arealları yaxınlığında kənd təsərrüfatı ərazilərinin genişləndirilməsi ilə bağlayırlar.
Bölmənin digər xəbərləri
