Almaniya Ukraynaya indiyədək 40 milyard avro xərcləyib
Bakı, 21 fevral, AZƏRTAC
Avropa ölkələrindən Kiyevə ən çox yardım edən Almaniyadır və indiyədək Ukraynaya 40 milyard avro xərcləyib.
AZƏRTAC xəbər verir ki, bunu Almaniyanın xüsusi tapşırıqlar üzrə naziri Volfqanq Şmidt deyib. Onun sözlərinə görə, qaçqınların xərcləri də daxil olmaqla, Almaniya Ukrayna üçün 40 milyard avrodan çox vəsait ayırıb. “Hətta Almaniya kimi zəngin bir ölkə üçün bu məbləğ ciddi problemdir və hökumət koalisiyasında Ukraynanı dəstəkləmək üçün yeni kreditlərdən istifadənin mümkünlüyü ilə bağlı konsensus yox idi”, - deyə Şmidt bildirib.
Nazir, həmçinin Berlinin vəzifəsinin Kiyevə yardımın göstərilməsi üçün əhalinin dəstəyini təmin etməkdən ibarət olduğunu vurğulayaraq deyib: “Media Ukraynanı kifayət qədər silahla təmin etmədiyi üçün Berlini tənqid edir, halbuki əhalinin təxminən yarısı bizi yardım sayəsində müharibəni uzatmaqda günahlandırır”.
Bölmənin digər xəbərləri
