Almaniyalı iki turist Avstriyada qar uçqunu nəticəsində həlak olub
Berlin, 19 fevral, AZƏRTAC
Almaniyalı iki turist Avstriyada baş verən qar uçqunu nəticəsində həlak olub.
AZƏRTAC “Zeit” qəzetinə istinadla xəbər verir ki, Tirol əyalətində baş verən uçqun nəticəsində almaniyalı turistlərdən əlavə bir nəfər də Niderland vətəndaşı ölüb. Almaniyalı turistlərdən birinin uçqun təhlükəsi ilə əlaqədar geri qayıdarkən yamacdan qopan böyük qar kütləsinin altında qaldığı bildirilir. Digəri isə təhlükəsizlik zolağından kənarda hərəkət edərkən qar uçqununa məruz qalıb.
Hazırda Avstriyanın qərbində uçqun təhlükəsi gərgin olaraq qalır. Tirol əyalətinin müvafiq qurumları gün ərzində təkcə bu bölgədə 30-dan çox qar uçqununun qeydə alındığını açıqlayıb. Xəbərdarlıq xidmətləri Tirol və Vorarlberq əyalətlərində yüksək təhlükəli vəziyyət barədə xəbərdarlıq ediblər.
Elvin Mövsüm
AZƏRTAC-ın xüsusi müxbiri
Berlin
Bölmənin digər xəbərləri
