AMEA əməkdaşları üçün Vikipediya təlimlərinə başlanılıb
Bakı, 6 aprel, AZƏRTAC
AMEA-nın Rəyasət Heyəti aparatının “Elektron Akademiya” şöbəsinin təşkilatçılığı ilə Mərkəzi Elmi Kitabxanada Nizami Gəncəvi adına Ədəbiyyat və Məhəmməd Füzuli adına Əlyazmalar institutlarının əməkdaşları üçün Vikipediya təlimlərinə başlanılıb.
Bu barədə AZƏRTAC-a AMEA-dan bildirilib. Təlimlər Mərkəzi Elmi Kitabxananın əməkdaşları tərəfindən keçirilir. Məqsəd AMEA-nın hər bir institutunda könüllü Vikipediya qruplarının formalaşdırılmasıdır. Həmin qruplar məqalələrin redaktəsi və yeni məqalələrin yaradılması işini görəcəklər. Təlimlərə könüllülər tərəfindən də böyük maraq var. Eyni zamanda, Azərbaycan İlahiyyat İnstitutunun tələbə və magistrantları da könüllü surətdə təlimlərdə iştirak edirlər.
Yaxın günlərdə AMEA-nın digər institutlarının könüllü əməkdaşlarına da təlimlərin keçirilməsi nəzərdə tutulub.
Bölmənin digər xəbərləri
