AMEA-nın iş rejimində məhdudiyyətlər tətbiq edilib
Bakı, 25 iyun, AZƏRTAC
Azərbaycan Milli Elmlər Akademiyasının (AMEA) elmi müəssisə, təşkilat və xidmətlərində karantin rejimi müddətində işçilərin onların ümumi sayının 20 faizindən çox olmamaq şərti ilə həftələr üzrə qrafik müəyyən edilməklə növbəlilik qaydasında işə cəlb edilməsinə icazə verilib.
Akademiyadan AZƏRTAC-a bildirilib ki, bu barədə AMEA-nın prezidenti, akademik Ramiz Mehdiyev “Xüsusi karantin rejiminin sərtləşdirilməsi ilə bağlı Azərbaycan Milli Elmlər Akademiyasının iş rejimində məhdudiyyətlərin tətbiq edilməsi haqqında” sərəncam imzalayıb. Sənəddə, həmçinin iş rejiminin saat 10:00-dan 19:00-dək müəyyən olunması və yaşı 65-dən yuxarı işçilərin işə cəlb edilməsinə yol verilməməsi qeyd olunub. Sərəncamda işə çıxan əməkdaşların COVID-19 infeksiyası ilə bağlı sanitar-epidemioloji qaydalara və karantin şəraitinin tələblərinə ciddi riayət etmələrinin təmin olunması, eləcə də yay mövsümü üzrə əmək məzuniyyəti qrafikinə uyğun olaraq işçilərə əmək məzuniyyətinin verilməsinin həyata keçirilməsi əksini tapıb.
Bölmənin digər xəbərləri
