AMEA-NIN NƏSRƏDDİN TUSİ ADINA ŞAMAXI ASTROFİZİKA RƏSƏDXANASININ HESABAT İCLASI KEÇİRİLMİŞDİR

19.12.2005 [21:38]
Çap et
A⁺ A^-

Azərbaycan Milli Elmlər Akademiyası (AMEA) N. Tusi adına Şamaxı Astrofizika Rəsədxanasının (ŞAR) 2005-ci il fəaliyyətinə dair hesabat iclası keçirilmişdir.

Akademiyadan AZƏRTAC-a bildirmişlər ki, iclası AMEA-nın fizika- riyaziyyat və texnika elmləri bölməsinin akademik katibi, akademik Akif Hacıyev açmışdır.

ŞAR-ın direktoru, AMEA-nın müxbir üzvü Əyyub Quliyevin hesabat məruzəsində rəsədxanada “Ulduz və dumanlıqlarda baş verən qısamüddətli fiziki dəyişkənliklərin kompleks tədqiqi” və “Günəş və Günəş sistemi cismlərinin dinamikası və fizikası” mövzuları üzrə aparılan elmi tədqiqat işlərinin nəticələrindən ətraflı söhbət getmişdir.

Qeyd edilmişdir ki, il ərzində elmi şuranın 14 iclası keçirilmiş, 55 elmi məqalə, 30 tezis və s. dərc olunmuşdur.

Akademiklər Maqsud Əliyev, Fikrət Əliyev, AMEA-nın müxbir üzvləri Bahadur Tağıyev, Bəhram Əsgərov və digər alimlər iclasda çıxış etmişlər.