Anar Rzayev: Avtobus parkının ekoloji təmiz nəqliyyat vasitələri sayəsində yenilənməsi sürətləndiriləcək
Bakı, 28 yanvar, AZƏRTAC
Hazırda Bakı şəhəri üzrə marşrut xətlərində ümumilikdə 2300-ə yaxın avtobus istismar edilir.
AZƏRTAC xəbər verir ki, bunu Azərbaycan Yerüstü Nəqliyyat Agentliyinin (AYNA) İdarə Heyətinin sədri Anar Rzayev “Bakı şəhərində və ətraf ərazilərdə nəqliyyat infrastrukturunun təkmilləşdirilməsinə dair 2025–2030-cu illər üçün Dövlət Proqramı”nın ötən il üzrə icrasına həsr olunan dəyirmi masada bildirib.
Onun sözlərinə görə, avtobus parkının mərhələli qaydada yenilənməsi prosesi çərçivəsində ötən il ərzində Bakıya 400-ə yaxın avtobus gətirilib.
“Ötən il ölkə üzrə ümumilikdə 600-dən artıq avtobusun yenilənməsi həyata keçirilib. Bu ildən xüsusi "İctimai Nəqliyyat" büdcə fondunun yaradılması və daşıyıcılarla brutto-müqavilə sisteminə keçid avtobus parkının ekoloji təmiz nəqliyyat vasitələri sayəsində yenilənməsini sürətləndirəcək”, - deyə AYNA sədri vurğulayıb.
Bölmənin digər xəbərləri
