AQRAR BÖLMƏYƏ GÜZƏŞTLİ KREDİTLƏRİN VERİLMƏSİNİN ƏHƏMİYYƏTİ BÖYÜKDÜR
Bakı, 7 oktyabr (AZƏRTAC). “Aqrarkredit” Səhmdar Kredit Təşkilatından bildirmişlər ki, regionların sosial-iqtisadi inkişafında Sahibkarlığa Kömək Milli Fondunun vəsaiti hesabına verilmiş güzəştli kreditlərin əhəmiyyəti böyük olmuşdur. Belə ki, müvəkkil kredit təşkilatı kimi “Aqrarkredit” fondun vəsaiti hesabına 442 sahibkarlıq subyektinə 5,7 milyon manat məbləğində kredit vermişdir. Bu da əsasən regionlarda istehsal, elm və infrastrukturun inkişafına yönəldilmişdir. Məhz həyata keçirilən məqsədyönlü iqtisadi tədbirlərin nəticəsində aqrar bölmədə real artım hər il orta hesabla 4,5 faiz təşkil edir.
Bölmənin digər xəbərləri
