ARDNŞ NEFTİNİN BİRİNCİ FEVRAL PARTİYASINI İSRAİL ŞİRKƏTİ ALMIŞDIR
ARDNŞ-dan AZƏRTAC-ın müxbirinə bildirmişlər ki, neftin həmin partiyasının həcmi 130 min tondur. Onun Novorosiysk limanından 2004-cü il fevralın ortalarında yola salınacağı gözlənilir.
Fevralda ARDNŞ Bakı-Novorosiysk boru kəməri ilə 210 min ton neft nəql etməyi planlaşdırır. Ümumilikdə isə, bu il ARDNŞ şimal boru kəməri ilə 2003-cü ildəki qədər (2,5 milyon ton) neft nəql etməyi nəzərdə tutur. Onun 630 min tonu birinci, 660 min tonu ikinci, 660 min tonu üçüncü, 550 min tonu isə dördüncü rübdə yola salınacaqdır.
Bakı-Novorosiysk marşrutu ilə bir ton neftin nəqlinin tarifi 15,67 dollardır.
Bölmənin digər xəbərləri
