Astara ziyalısı: Xalqımız ilk dəfə olaraq qalib ölkənin Prezidentini seçəcək
Astara, 15 yanvar, İlkin Adıyev, AZƏRTAC
Bu il fevralın 7-nə təyin edilmiş prezident seçkiləri ölkəmizin ən yaddaqalan seçkisi kimi tarixə düşəcək. Xalqımız ilk dəfə olaraq ərazi bütövlüyünü tam bərpa etmiş qalib ölkənin Prezidentini seçəcək.
Bu sözləri AZƏRTAC-ın bölgə müxbirinə müsahibəsində Astara ziyalısı Azər Kişiyev söyləyib.
“Azərbaycan bayram əhval-ruhiyyəsindədir. Qarşıdan böyük siyasi kampaniya gəlir, biz vətəndaşlar bu seçkini bayram coşqusu ilə qarşılayırıq. Bu seçki ilk dəfədir ki, bütöv Azərbaycanın bütün ərazisində keçiriləcək. Hər bir vətəndaşın borcudur ki, ölkənin ictimai-siyasi həyatında yaxından iştirak etsin. Mən də bir ziyalı kimi öz vətəndaş mövqeyimi göstərərək bu seçkilərə böyük həvəslə qatılacağam və layiqli namizədə səs verəcəyəm. İnanıram ki, astaralılar bu seçkilərdə də fəal iştirak edəcəklər”, - deyə rayon ziyalısı bildirib.
Bölmənin digər xəbərləri
