ASTARADA GƏNCLƏR GÜNÜNƏ HƏSR OLUNMUŞ TOPLANTI KEÇİRİLMİŞDİR
AZƏRTAC-ın müxbiri xəbər verir ki, fevralın 1-də Astara Pedaqoji Texnikumunda Azərbaycan Gəncləri gününə həsr olunmuş toplantı keçirilmişdir.
Tədbirdə ümummilli liderimiz Heydər Əliyevin xatirəsi bir dəqiqəlik sükutla yad edilmişdir.
Rayon icra hakimiyyəti başçısının müavini Natiq İbadov, gənclər və idman idarəsinin rəisi Ərçə Əliyev, Astara Pedaqoji Texnikumu gənclər təşkilatının sədri Ülfət Axundova, gənclərin və ictimaiyyətin nümayəndələri tədbirdə çıxış edərək, əsası ümummilli liderimiz Heydər Əliyev tərəfindən qoyulmuş dövlət gənclər siyasətinin uğurlu nəticələrindən danışmış, 2007-ci ildə astaralı gənclərin rayonun iqtisadi, ictimai-siyasi, sosial və mədəni həyatında, təhsildə, idmanda qazandıqları nailliyyətləri diqqətə çatdırmışlar.
Toplantıda Prezident İlham Əliyevə müraciət qəbul edilmişdir.
Həmin gün Astara şəhərindəki «Şindan» hotelində Gənclər gününə həsr olunmuş musiqili ədəbi-bədii gecə təşkil olunmuşdur.
Tədbirdə 2007-ci ildə rayonun ictimai-siyasi, sosial, mədəni həyatında və idmanda fərqlənən gənclərin bir qrupuna mükafatlar təqdim edilmişdir.
Bölmənin digər xəbərləri
