Atletika üzrə Azərbaycan çempionatına start verilib
Bakı, 3 iyun, AZƏRTAC
İyunun 3-də Azərbaycan Dövlət Bədən Tərbiyəsi və İdman Akademiyasının stadionunda atletika üzrə Azərbaycan çempionatına start verilib.
AZƏRTAC xəbər verir ki, Gənclər və İdman Nazirliyinin və Azərbaycan Atletika Federasiyasının (AAF) birgə təşkilatçılığı ilə keçirilən turnirdə 90 idmançı iştirak edir. Turnirdə oğlanlar və qızlar atletikanın bütün növləri üzrə mübarizə aparırlar. Yarışlarda Azərbaycanın paytaxt klubları ilə yanaşı, region təmsilçiləri də qüvvələrini sınayırlar.
Qeyd edək ki, yarışa iyunun 4-də yekun vurulacaq.
Bölmənin digər xəbərləri
