Avropa Parlamentində məişət zorakılığına qarşı mübarizəyə dair dinləmələr keçiriləcək
Bakı, 23 mart, AZƏRTAC
Martın 27-də Brüsseldə, Avropa Parlamentinin binasında İstanbul Konvensiyasına dair “Qadınlara qarşı zorakılığın və məişət zorakılığının qarşısının alınması və onlarla mübarizə haqqında Avropa Şurasının Konvensiyasına Avropa İttifaqının qoşulması” mövzusunda dinləmələr keçiriləcək. Bu barədə AZƏRTAC-a Milli Məclisin mətbuat xidmətindən məlumat verilib.
Dinləmələrdə Milli Məclisin deputatı, AŞPA-nın qadınlara qarşı zorakılıqla mübarizə üzrə baş məruzəçisi, zorakılıqdan azad qadınlar parlament şəbəkəsinin siyasi koordinatoru Sahibə Qafarova iştirak edəcək.
Deputat müzakirə olunacaq mövzu ilə bağlı çıxış edəcək, fikirlərini bildirəcək.
Bölmənin digər xəbərləri
