AVROPA ŞURASI BAŞ KATİBİNİN GÜRCÜSTANA VƏ ACARISTANA MÜRACİƏTİ
AZƏRTAC-ın İTAR-TASS agentliyindən aldığı xəbərə görə, Avropa Şurasının baş katibi Valter Şvimmer Gürcüstanı və Acarıstan Muxtar Respublikasını mübahisəli məsələləri silah gücünə deyil, dialoq yolu ilə həll etməyə çağırmışdır.
V.Şvimmerin Strasburqda yayılmış bəyanatında deyilir: “Mən dostlarımı – Prezident Mixail Saakaşvilini və Acarıstanın başçısı Aslan Abaşidzeni zorakılıqdan çəkinməyə, söz müharibəsinə son qoymağa və əsl dialoqa başlamağa çağırıram. Gürcüstan Avropa Şurasının üzvüdür və mübahisəli məsələlərin həllində demokratik qaydalara əməl etməlidir”.
V.Şvimmer bildirmişdir ki, Avropa Şurası Gürcüstanla Acarıstan arasında mübahisəli məsələlərin həllində hər cür mümkün hüquqi yardım göstərməyə hazırdır.
Bölmənin digər xəbərləri
