Avtomobil yolunun ayırıcı zolağına həmişəyaşıl kol bitkiləri əkilib
Bakı, 18 noyabr, AZƏRTAC
Bakı-Şamaxı-Yevlax avtomobil yolunun 15-20-ci kilometrlik hissəsinin ayırıcı zolağı “Azəravtoyol” ASC tərəfindən yaşıllaşdırılıb.
ASC-nin mətbuat xidmətindən AZƏRTAC-a bildirilib ki, məqsəd həmin ərazidə ekoloji balansın bərpası, ətraf mühitin qorunması, atmosferin oksigenlə zənginləşdirilməsidir.
Sözügedən hissəyə 2 min ədəd həmişəyaşıl kol bitkiləri əkilib. Əkilən kollara üzvi gübrə verilərək suvarılıb.
Qeyd olunub ki, bu cür yaşıllaşdırma aksiyaları respublikanın bütün avtomobil yollarının mühafizə və ayırıcı zolaqlarında keçirilir.
Bölmənin digər xəbərləri
