AVTOMOBİLLƏRİN TEXNİKİ CƏHƏTDƏN İSTİSMARINA NƏZARƏT DİQQƏT MƏRKƏZİNDƏDİR
Baş Dövlət Yol Polisi İdarəsinin rəisi, general-mayor Ramiz Zeynalov AZƏRTAC-a bildirmişdir ki, respublikamızda nəqliyyat vasitələrinin texniki cəhətdən istismarına nəzarətin yaxşılaşdırılması istiqamətində mühüm işlər görülmüş, Bakı şəhərindəki müayinə mərkəzi, Naxçıvan, Sumqayıt, Gəncə və Şəki şəhər diaqnostika stansiyaları ən müasir texniki nəzarət cihazları ilə təchiz edilmişdir. Zaqatala, Mingəçevir, Lənkəran şəhərlərində yeni stansiyaların inşası tamamlanmış, Şəmkir və Balakəndə isə tikinti işlərinə başlanmışdır. Nəqliyyat vasitələrinin qeydiyyat işi də nizama salınmışdır.
