AYİB-İN NÜMAYƏNDƏ HEYƏTİ ÖLKƏMİZƏ GƏLİR
AZƏRTAC xəbər verir ki, Avropa Yenidənqurma və İnkişaf Bankının (AYİB) Direktorlar Şurasının nümayəndə heyəti oktyabrın 23-dən Bakıda səfərdədir. Nümayəndə heyətinə Macarıstan, Çexiya, Slovakiya, Xorvatiya, Danimarka, İrlandiya, Litva, Makedoniya, Koreya, Avstraliya, Yeni Zelandiya, Misir, Polşa, Bolqarıstan, Albaniya, Finlandiya, Norveç, Latviya, İsveçrə, Türkiyə, Lixtenşteyn, Özbəkistan, Qırğızıstan, Türkmənistan, Serbiya, Çernoqoriya, Sloveniya, Belçika, Lüksemburq və ABŞ təmsilçiləri daxildirlər. Səfərdən məqsəd bankın ölkəmizdə həyata keçirəcəyi layihələrin icrasına başlamazdan əvvəl onlarla tanış olmaqdır.
Səfər çərçivəsində qonaqlar Səngəçal terminalında, Xırdalandakı sənaye müəssisələrində olmuşlar və Göyçayda görüşlər keçirəcəklər.
Nümayəndə heyətinin Baş nazir Artur Rasizadə, iqtisadi inkişaf naziri Heydər Babayev, iş adamları və ictimaiyyətin nümayəndələri ilə görüşləri də nəzərdə tutulmuşdur.
Xatırladaq ki, AYİB Azərbaycanda həyata keçirilən və qeyri-neft sahəsinin inkişafına yönəldilmiş 30 layihənin icrasına 700 milyon avrodan çox vəsait sərf etmişdir.
Bölmənin digər xəbərləri
