AZƏRBAYCAN AĞIRLIQQALDIRANI AVROPA ÇEMPİONATININ GÜMÜŞ MEDALINA SAHİB OLMUŞDUR
Bakı, 10 aprel (AZƏRTAC). Azərbaycan idmançısı İntiqam Zairov (85kq) Rumıniyada keçirilən ağırlıqqaldırma üzrə Avropa çempionatında uğurlu çıxış etmişdir.
Yarışın beçinci günü mübarizəyə qoşulan İ.Zairov yerindən qaldırmada 168 kiloqram nəticə göstərərək qitə çempionatının “kiçik” qızıl medalını qazanmışdır.
Bununla belə, təkanla 200 kiloqram ağırlıq qaldıran İ. Zairov iki hərəkətin cəmində (368 kq) ikinci yeri tutmuşdur. Avropa çempionu isə Rusiya təmsilçisi Aleksey Yufkin olmuşdur.
Xatırladaq ki, bu, Azərbaycan idmançılarının yarışda qazandığı ikinci gümüş medaldır. Bir neçə gün öncə Zülfüqar Süleymanov (62 kq) da qitə çempionatının gümüş medalına sahib olmuşdu.
Bölmənin digər xəbərləri
