AZƏRBAYCAN AVARÇƏKƏNLƏRİ “BÖYÜK MOSKVA REQATASI”NDA İLK MEDAL QAZANMIŞLAR
Bakı, 8 iyun (AZƏRTAC). İyunun 6-da Rusiyanın paytaxtı Moskvada akademik avarçəkmə üzrə “Böyük Moskva reqatası” start götürmüşdür.
Azərbaycan Milli Avarçəkmə Federasiyasının mətbuat xidmətindən bildirmişlər ki, milli komandamız yarışın ilk günündə bir bürünc medal qazanmışdır. 23 yaşadək avarçəkənlər arasında 2 nəfərlik qoşa avarlı yüngül çəkili qayıqda çıxış edən Toğrul Qurbanzadə-Aleksandr Jdanov dueti 3-cü yeri tutmuşdur. Həmyerlilərimiz 2000 metrlik məsafəni 7 dəqiqə 1 saniyə 994 mikrosaniyəyə qət etmişlər.
Bir nəfərlik qayıqda çıxış edən Cavid Əfəndiyev, eləcə də 4 nəfərlik qoşa avarlı qayıda yer alan Cavid Əfəndiyev-Toğrul Qurbanzadə-Aleksandr Jdanov-Kamal Məmmədov kvarteti isə əsas finala vəsiqə qazanmışlar.
Xatırladaq ki, ümumilikdə 10 ölkənin qatıldığı “Böyük Moskva reqatası”nda 7 akademik avarçəkənimiz çıxış edir.
Bölmənin digər xəbərləri
