AZƏRBAYCAN BEYNƏLXALQ UNİVERSİTETİNİN FUTBOL KOMANDASI YARIŞDAN KƏNARLAŞDIRILMIŞDIR
AFFA-dan AZƏRTAC-a bildirmişlər ki, Azərbaycan Beynəlxalq Universitetinin futbol komandası ümummilli lider Heydər Əliyevin 85 illik yubileyinə həsr olunmuş tələbələr arasında birinci Azərbaycan çempionatından kənarlaşdırılmışdır.
Təhsil Nazirliyi tərəfindən aparılan araşdırmalar nəticəsində bu universitetin tələbəsi olmayan 8 futbolçunun çempionatda iştirakı üçün AFFA-ya saxta tələbə bileti və qiymət kitabçası təqdim olunmağı ilə bağlı faktlar aşkara çıxarılmışdır.
Universitetin komandası yarışdan çıxarılmaqla yanaşı, komandanın qazandığı bütün nəticələr də ləğv edilmişdir.
Bölmənin digər xəbərləri
