Azərbaycan cüdoçusu Hidayət Heydərov Rusiyada keçirilən beynəlxalq yarışda bürünc medal qazanıb
Bakı, 16 dekabr, AZƏRTAC
Rusiyanın Sankt-Peterburq şəhərində cüdo üzrə “World Masters” turnirinə start verilib. Azərbaycan milli komandası yarışın ilk günündə aktivinə bir medal yazdırıb.
AZƏRTAC xəbər verir ki, 73 kiloqram çəki dərəcəsində ölkəmizi təmsil edən Hidayət Heydərov mötəbər yarışda bürünc medal qazanıb.
Ümumilikdə 46 ölkədən 212 idmançının mübarizə apardığı beynəlxalq yarışda Azərbaycan millisi yeddi cüdoçu ilə təmsil olunur.
Bölmənin digər xəbərləri
