Azərbaycan əhalisinin sayı 10 milyon 127 min 127 nəfərə çatıb
Bakı, 15 aprel, AZƏRTAC
İlin əvvəlindən ölkə əhalisinin sayı 7994 nəfər və ya 0,1 faiz artaraq 2021-ci il mart ayının 1-i vəziyyətinə 10 milyon 127 min 127 nəfərə çatıb. Əhalinin 53 faizini şəhər, 47 faizini kənd sakinləri, 49,9 faizini kişilər, 50,1 faizini isə qadınlar təşkil edir. Hazırda orta hesabla hər 1000 kişiyə 1002 qadın düşür.
Bu barədə AZƏRTAC-a Dövlət Statistika Komitəsindən məlumat verilib.
Bildirilib ki, ölkə üzrə bir kvadratkilometrə düşən əhalinin sayı 117 nəfər olub.
Bölmənin digər xəbərləri
