Azərbaycan elektrik enerjisi sahəsində qonşu dövlətlərlə səmərəli əməkdaşlıq edir
Tbilisi, 14 fevral, AZƏRTAC
“Azərbaycan bir neçə istiqamətdə, o cümlədən elektrik enerjisi sahəsində Rusiya, İran, Gürcüstan və Türkiyə ilə səmərəli əməkdaşlıq edir”.
Bu sözləri AZƏRTAC-a müsahibəsində “Azərenerji” ASC yanında "Elmi-Tədqiqat və Layihə-Axtarış Energetika İnstitutu" MMC-nin Hidrolayihə İdarəsinin baş mühəndisi Cəlaləddin Vəliyev deyib.
Baş mühəndisin sözlərinə görə, bu məsələ Tbilisidə keçirilən “Hidroenergetika: Xəzər dənizi və Mərkəzi Asiya ölkələri - 2018" adlı beynəlxalq konfransda xüsusi qeyd olunub.
Rusiya, Gürcüstan, İran və Türkiyədən olan mütəxəssislər Azərbaycan ilə enerji sahəsində əməkdaşlıqdan məmnunluq ifadə ediblər.
Konfransda iştirak edən digər xarici ölkələrin nümayəndələri də bu əməkdaşlığı xüsusi qeyd ediblər. Bildirilib ki, bu əməkdaşlıq regionun sosial-iqtisadi inkişafı ilə yanaşı bölgədə sülhə və təhlükəsizliyə xidmət edir.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
