Azərbaycan gimnastları Dünya Kubokunda qızıl medal qazanıblar
Bakı, 29 iyun, AZƏRTAC
Çinin Nankin şəhərində aerobika gimnastikası üzrə Dünya Kuboku keçirilib.
AZƏRTAC xəbər verir ki, yarışda ölkəmizi fərdi proqramda Sara Əlixanlı, qarışıq cütlük proqramında isə Mədinə Mustafayeva və Vladimir Dolmatov təmsil ediblər.
Təsnifat mərhələsinin nəticələrinə əsasən, Sara Əlixanlı 17.900, Mədinə Mustafayeva və Vladimir Dolmatov cütlüyü isə 18.600 xal toplayaraq final mərhələsinə vəsiqə qazanıblar.
Finalda qarışıq cütlük 19.100 xalla rəqiblərini geridə qoyaraq qızıl medalın sahibi olub. Sara Əlixanlı isə 18.050 xalla 6-cı yerdə qərarlaşıb.
Bölmənin digər xəbərləri
