AZƏRBAYCAN İCMALARININ YARATDIĞI “BAZAR GÜNÜ” MƏKTƏBLƏRİ ANA DİLİMİZİN ÖYRƏDİLMƏSİNƏ XİDMƏT EDİR
Xarici Ölkələrdə Yaşayan Azərbaycanlılarla İş üzrə Dövlət Komitəsindən AZƏRTAC-a bildirmişlər ki, soydaşlarımızın yığcam məskunlaşdığı ölkələrdə onların övladlarının ana dilimizi öyrənməsi üçün müxtəlif tədbirlər görülür, o cümlədən “Bazar günü” məktəbləri yaradılır.
Hazırda Almaniya, Rusiya, Ukrayna, Belarus, Qazaxıstan, Qırğızıstan, Özbəkistan, İsveç, Norveç, Estoniya, Latviya və başqa ölkələrdə Azərbaycan icma və birliklərinin nəzdində 50 “Bazar günü” məktəbi fəaliyyət göstərir. Təkcə 2002-2005-ci illərdə Qazaxıstanda 8, Ukraynada 5, Özbəkistanda 2 belə məktəb açılmışdır.
Qürbətdə yaşayan soydaşlarımızın övladlarının ana dilini öyrənməsində bu məktəblərin xidməti əvəzsizdir.
Bölmənin digər xəbərləri
