AZƏRBAYCAN İDMANÇILARI BEYNƏLXALQ YARIŞDA 2 QIZIL VƏ 6 BÜRÜNC MEDAL QAZANMIŞLAR
Azərbaycan Güləş Federasiyasından AZƏRTAC-a bildirmişlər ki, İstanbulda keçirilən gənclər arasında güləş üzrə beynəlxalq turnirdə iştirak edən yunan-Roma güləşi üzrə yığma komandamızın üzvləri 2 qızıl və 6 bürünc medal qazanmışlar.
Taleh Məmmədov (50 kq) və Elçin Alıyev (55 kq) bütün rəqiblərinə qalib gələrək fəxri kürsünün ən yüksək pilləsinə qalxmışlar.
Digər idmançlarımız Rəşid Bünyatov (55 kq), Hacıxan Mustafayev, Araz Əliyev (hər ikisi 60 kq), Tural Hüseynov (66 kq), Elvin Mürsəliyev və Elməddin Abdullayev (hər ikisi 74 kq) isə bürünc medallara sahib olmuşlar.
On altı ölkənin idmançılarının iştirak etdiyi turnirdə yığmamız 3-cü yeri tutmuşdur.
Bölmənin digər xəbərləri
