AZƏRBAYCAN İDMANÇISI AVROPA ÇEMPİONATINDA GÜMÜŞ MEDAL QAZANMIŞDIR
Bakı, 8 aprel (AZƏRTAC). Rumıniyanın Buxarest şəhərində ağırlıqqaldırma üzrə Avropa çempionatı davam edir.
Azərbaycan bu çempionatda 7 idmançı ilə təmsil olunur. Yarışın 2-ci günü 62 kq çəki dərəcəsində mübarizə aparan Zülfüqar Süleymanov birdən qaldırmada 125 kq, təkanla 160 kq və iki hərəkətin cəminə görə 185 kq qaldıraraq gümüş medala sahib olmuşdur.
Zülfüqar Süleymanov, eyni zamanda, təkanda gümüş, birdən qaldırmada isə bürünc medal qazanmışdır. 69 kq çəki dərəcəsində ölkəmizi Əfqan Bayramov və Sərdar Həsənov təmsil etmişlər. Əfqan Bayramov birdən qaldırmada 147 kq, təkanla 182 kq və iki hərəkətin cəminə görə 329 kq qaldırmaqla 4-cü yerə layiq görülmüşdür. Sərdar Həsənov isə birdən qaldırmada 138 kq, təkanla 165 kq və iki hərəkətin cəminə görə 303 kq qaldırmış və 8-ci nəticə göstərmişdir.
Aprelin 8-də daha bir idmançımız Namiq Cəmilov (77 kq) mübarizəyə qoşulmuşdur.
Bölmənin digər xəbərləri
