AZƏRBAYCAN İDMANÇISI YULİYA RADKEVİÇ PEKİN YAY OLİMPİYA OYUNLARINA LİSENZİYA QAZANMIŞDIR
 |
 |
 |
Dünya çempionu adı uğrunda son qarşılaşmalarda yaponiyalı Hitomi Sakamoto (51 kq) Ren Xueçenqi (Çin) məğlub edərək qızıl medal qazanmışdır.
Bu çəki dərəcəsində bürünc medallar fransalı İnne-Katerin Delantuş və kanadalı Erika Şarpa təqdim olunmuşdur.
55 kiloqram çəki dərəcəsində birinci yeri finalda isveçli İda-Terese Karlsson üzərində qələbə qazanmış yaponiyalı Saori Yoşida tutmuşdur. Qazaxıstan güləşçisi Olqa Smirnova və rusiyalı Natalya Qolts isə üçüncü olmuşlar.
Günün sonuncu qarşılaşmasında isə döşək üzərinə 59 kiloqram çəki dərəcəsində yarışan idmançılar çıxmışlar. Rəqibindən daha güclü olan fransalı Odre Boxaşvili-Prieton finalda almaniyalı Stefani Qrossa qalib gələrək, dünya çempionu adına layiq görülmüşdür. Monqolustan idmançısı Dorj Narmandaq, ukraynalı Natalya Sinişin isə bürünc medallara sahib olmuşlar.
Sentyabrın 23-də qadınlar arasında 63, 67 və 72 kiloqram çəki dərəcələrində yarışlardan sonra dünya çempionatına yekun vurulacaqdır.
Bölmənin digər xəbərləri
