AZƏRBAYCAN İLK DƏFƏ KAĞIZ TƏYYARƏLƏRİN HAVAYA BURAXILMASI ÇEMPİONATINDA TƏMSİL OLUNACAQDIR
Bakı, 9 aprel (AZƏRTAC). Azərbaycan dünyanın 85 ölkəsindən olan tələbələrin iştirakı ilə mayın 1-2-də Avstriyada keçiriləcək Red Bull Paper Wings kağız təyyarələrinin buraxılması çempionatda ilk dəfə təmsil olunacaqdır.
Aprelin 4-də Dövlət Texniki Universitetinin idman kompleksində keçirilən milli turnirdə Avstriyada ölkəmizi təmsil edəcək üç idmançı seçilmişdir. Turnir iştirakçıları üç kateqoriya - uçuş məsafəsi, uçuş müddəti və aerobatika üzrə yarışmışlar.
Milli turnirin uçuş məsafəsi və uçuş müddəti nominasiyalarının qalibləri, müvafiq olaraq, Aviasiya Akademiyasının tələbələri Rəhim Şükürov və Tural Əliyev olmuşlar. Hakimlər aerobatika kateqoriyası üzrə Dövlət Texniki Universitetinin tələbəsi Rəmzi İsmayılova üstünlük vermişlər.
Bölmənin digər xəbərləri
