Azərbaycan parataekvondoçusu beynəlxalq yarışda bürünc medal qazanıb
Bakı, 22 avqust, AZƏRTAC
Azərbaycanın daha bir parataekvondoçusu Cənubi Koreyanın Çhunçhon şəhərində keçirilən açıq dünya çağırış yarışında medal qazanıb.
Federasiyadan AZƏRTAC-a verilən məlumata görə, G4 kateqoriyalı turnirin ikinci günündə Əbülfəz Abuzərli (80 kiloqram, K-44) fəxri kürsüyə yüksəlib.
Taekvondo Federasiyasının dəstəyi ilə yarışda iştirak edən yığma üzvü bürünc medala yiyələnib. Bununla da komandamızın turnirdə qazandığı mükafatların sayı ikiyə çatıb. Abuzərlidən öncə İmaməddin Xəlilov (70 kiloqram, K-44) birinci yeri tutub.
Qeyd edək ki, yığma daha əvvəl Avropa paralimpiya çempionatında 2 qızıl, 1 gümüş və 2 bürünc medal qazanıb.
Bölmənin digər xəbərləri
