Azərbaycan regional mərkəzə çevrilir
Bakı, 9 mart, AZƏRTAC
Azərbaycan son dövrdə məhz qlobal problemlərin müzakirə edildiyi mərkəzə çevrilib. Bu gün dünyada cərəyan edən proseslər çox dəyişir. Siyası baxımdan yeni nizam formalaşır. Regional mərkəzlərin rolu artır. İnteqrasiya prosesinə əks proseslər də gedir. Bu da ölkələr arasında ticari-iqtisadi münasibətləri məhdudlaşdırır. Bu problemin həll olunması üçün dialoqların - ölkələrarası münasibətlərin qurulmasına ehtiyac var.
Bu fikirləri AZƏRTAC-a UNEC-in İqtisadiyyat kafedrasının dosenti Emin Qəribli bildirib.
“Sevindirici haldır ki, Nizami Gəncəvi Beynəlxalq Mərkəzinin təşkilatçılığı ilə “Dünya bu gün: Çağırışlar və ümidlər” mövzusuna həsr olunan X Qlobal Bakı Forumu keçirilir. Ölkəmiz artıq regional mərkəzə çevrilir. Rəqəmsallaşma prosesinə keçid baş verir. Bu keçid dövründə isə bilik mərkəzlərinin fəaliyyəti genişlənir. İnanıram ki, gələcəkdə də Nizami Gəncəvi Beynəlxalq Mərkəzinin dünyada gedən proseslərdə rolu artacaq. Sevindirici haldır ki, Azərbaycanda dünya əhəmiyyətli bilik mərkəzi formalaşır”, - deyə alim bildirib.
Bölmənin digər xəbərləri
