АZƏRBAYCAN RESPUBLİKASININ MƏRKƏZİ SEÇKİ KOMİSSİYASINDA
Əvvəlcə Komissiyanın 2006-cı il 7 avqust və 12 avqust tarixli iclaslarının protokolları təsdiq edilmişdir.
Sonra MSK katibi Natiq Məmmədov 6 oktyabr 2006-cı ilə təyin edilmiş bəzi bələdiyyələrə təkrar, əlavə, yeni və ilk dəfə keçirilən seçkilərlə əlaqədar seçki bülletenlərinin mətni və forması, sayı, hazırlanma qaydasına dair məsələ haqqında məlumat vermişdir. Mərkəzi Seçki Komissiyası qərara almışdır ki, 2006-cı il avqustun 21-nə olan məlumata görə, seçki dairələrindəki bələdiyyələr üzrə daimi seçici siyahılarındakı 805.487 seçicinin ümumi sayından 3 faiz artıq olmamaqla, cəmi 829.652 ədəd seçki bülleteni hazırlansın və 6 sentyabr 2006-cı ildən gec olmayaraq, Azərbaycan Respublikası Milli Məclis Aparatının mətbəəsində çap edilsin.
Seçki komissiyalarının səsvermə protokollarının sayına dair məsələ də müzakirəyə çıxarılmışdır. MSK 603 bələdiyyə üzrə 82 seçki dairəsi və müvafiq seçki məntəqələri üçün, həmin saya uyğun olaraq, seçki komissiyalarının səsvermə protokollarının hazırlanması və 6 sentyabr 2006-cı ildən gec olmayaraq, çap olunması haqqında qərar qəbul etmişdir.
İclasda 56 saylı Xaçmaz kənd və 92 saylı Zərdab-Ucar seçki dairələri dairə seçki komissiyalarının tərkibində dəyişiklik haqqında da qərar çıxarılmışdır.
MSK cari məsələlərə də baxmışdır.
Mərkəzi Seçki Komissiyasının iclasında ABŞ səfirliyinin təmsilçisi və kütləvi informasiya vasitələrinin nümayəndələri iştirak etmişlər.
Mərkəzi Seçki Komissiyasının
mətbuat xidməti
Bölmənin digər xəbərləri
