Azərbaycan Rəssamlar İttifaqında 31 mart-Azərbaycanlıların soyqırımı gününə həsr olunmuş sərgi açılmışdır
Bakı, 30 mart (AZƏRTAC). Azərbaycan Rəssamlar İttifaqının Vəcihə Səmədova adına sərgi salonunda 31 mart-Azərbaycanlıların soyqırımı gününə həsr olunmuş sərgi açılmışdır.
AZƏRTAC xəbər verir ki, tədbirdə Azərbaycan Rəssamlar İttifaqının sədri, Xalq Rəssamı Fərhad Xəlilov çıxış edərək insanlıq əleyhinə törədilən faciənin rəsm əsərlərində geniş yer aldığını, sərgidə xalqımızın başına gətirilən faciələrin daha dolğun ifadə olunduğunu bildirmişdir. Qeyd etmişdir ki, Azərbaycan Rəssamlar İttifaqı Mədəniyyət və Turizm Nazirliyi ilə birgə Xocalı və 31 mart soyqırımlarına həsr olunmuş müsabiqə elan etmişdir. Sərgidə nümayiş olunan rəsmlər müxtəlif nominasiyalar üzrə qalib gəlmiş peşəkar rəssamların əl işləridir.
Ekspozisiyada rəngkarlıq, qrafika, dekorativ tətbiqi sənət və heykəltaraşlıq üzrə sənət əsərləri nümayiş olunmuşdur.
Bölmənin digər xəbərləri
