Azərbaycan Silahlı Qüvvələrinin nümayəndələri beynəlxalq tədbirlərdə
Azərbaycan Respublikası Silahlı Qüvvələrinin nümayəndələri noyabrın 3-dən 7-dək Almaniyanın Oberammerqau şəhərində “Bütövlüyün qurulmasında müdafiə təsisatlarının liderliyi” və NATO ictimai əlaqələr siyasətinin hazırlanması mövzularında keçiriləcək kurslarda iştirak edəcəklər.
Müdafiə Nazirliyinin mətbuat xidmətindən AZƏRTAC-a bildiriblər ki, hərbi qulluqçularımız Budapeştdə “Tibbi qiymətləndirmə” kursuna, Ankarada Heydər Əliyev adına Azərbaycan Ali Hərbi Məktəbi ilə Türkiyə Quru Qoşunları Hərbi Məktəbi arasında müəllim mübadiləsinə və Bakıda “NATO günləri” tədbirinə qatılacaqlar.
Silahlı Qüvvələrimizin nümayəndələri noyabrın 3-dən 14-dək Rumıniyanın Konstanta şəhərində hidroqrafiya və hidroqrafiya idarələri üzrə regional təlim, İtaliyanın San Remo şəhərində 156-cı beynəlxalq hərbi, noyabrın 3-dən 21-dək isə Ankarada exokardioqrafiya kurslarında iştirak edəcəklər.
Bölmənin digər xəbərləri
