Azərbaycan Turizm İnstitutu elmi şurasının iclası keçirilmişdir
Bakı, 28 oktyabr (AZƏRTAC). Azərbaycan Turizm İnstitutu (ATİ) elmi şurasının iclası keçirilmişdir.
ATİ-nin mətbuat xidmətindən AZƏRTAC-a bildirmişlər ki, iclasda institutun tədris işləri üzrə prorektoru Eldar Aslanovun 2013/2014-cü tədris ilinin əvvəlində tədrisin vəziyyəti, insan resursları şöbəsinin müdiri Aftandil Bayramovun həmin dövrdə professor-müəllim heyətinin komplektləşdirilməsi və ümumi şöbənin müdiri Vüsal Xəlilovun rəhbəri olduğu sturukturun son 6 ayda fəaliyyəti ilə bağlı məruzələri dinlənilmişdir.
Elmi şuranın gündəliyinə daxil edilən məruzə və çıxışlar, o cümlədən cari məsələlərin geniş müzakirəsindən sonra verilən təkliflər nəzərə alınmaqla, ümumilikdə, fəaliyyət qənaətbəxş hesab edilmişdir.
İclasda, həmçinin 2013/2014-cü tədris ilində tədrisin keyfiyyətcə artan xətlə yüksəldilməsi, professor-müəllim heyətinin səylərinin artırılması və mövcud komandanın komplektləşdirilməsi işinin daha da təkmilləşdirilməsi qərara alınmışdır.
Bölmənin digər xəbərləri
