Azərbaycan Turizm İnstitutunda “Yeni tədris layihəsi” çərçivəsində görüş keçirilmişdir
Bakı, 12 noyabr (AZƏRTAC). Azərbaycan Turizm İnstitutunda (ATİ) “Yeni tədris layihəsi” çərçivəsində görüş keçirilmişdir. Azərbaycan Sosial İş İctimai Birliyinin təşkilatçılığı ilə keçirilən tədbirin məqsədi ölkəmizdə sosial iş üzrə kadr hazırlığını həyata keçirən universitetlərdə müvafiq ixtisas üzrə təhsil alan tələbələri məlumatlandırmaq, maraqlandırmaq, müvafiq fənn müəlimlərinin interaktiv bacarıqlarını təkmilləşdirməkdən ibarətdir.
ATİ-nin mətbuat xidmətindən AZƏRTAC-a bildirmişlər ki, tədbirdə bu ali təhsil ocağının xidmət mühəndisliyi fakültəsinin dekan əvəzi Sevda Vəzirova, birliyin icraçı direktoru, Vaşinqton Universitetinin sosial iş üzrə magistri Aytəkin Hüseynli, qurumun eksperti Elmir Valehli və başqaları müxtəlif mövzularda təqdimatlar etmişlər.
Tədbir sosial işçilərin cəmiyyətdə rolundan bəhs edən “Empatiya” filminin nümayişi ilə başa çatmışdır.
Bölmənin digər xəbərləri
