Azərbaycan Turizm və Menecment Universitetinin əməkdaşı beynəlxalq proqrama qatılıb
Bakı, 4 iyun, AZƏRTAC
Azərbaycan Turizm və Menecment Universitetinin (ATMU) beynəlxalq əlaqələr şöbəsinin müdiri Orxan Musa ABŞ-da keçirilən “Beynəlxalq liderlik “ proqramının iştirakçısı olub.
Universitetdən AZƏRTAC-a bildirilib ki, ABŞ-ın müxtəlif şəhərlərində fəaliyyət göstərən turizm idarələri və agentliklərində təşkil olunan görüşdə turizm sahəsi üzrə aktual sayılan mövzulara dair fikir mübadiləsi aparılıb.
Tədbir iştirakçıları, eyni zamanda, ABŞ-ın turizm təmayüllü nüfuzlu universitetlərində tanışlıq görüşündə də olublar. Həmçinin, turizm baxımından perspektiv sayılan ərazilərə səfərlər çərçivəsində iştirakçılar tərəfindən destinasiyaların turizm potensialı və ölkə iqtisadiyyatına təsiri kimi məsələlər müzakirə edilib.
“Beynəlxalq liderlik” proqramına dünyanın 25 ölkəsindən nümayəndə qatılıb.
Bölmənin digər xəbərləri
