Azərbaycan yığmalarının Avropa çempionatının birinci mərhələsindəki rəqibləri məlum olub
Bakı, 10 iyun, AZƏRTAC
17 və 19 yaşadək qadın futbolçulardan ibarət milli komandalar arasında 2025/2026-cı illər mövsümü üzrə Avropa çempionatının birinci mərhələsinin püşkü atılıb.
AZƏRTAC AFFA-nın rəsmi saytına istinadən xəbər verir ki, püşkatma mərasimində Azərbaycan millilərinin rəqibləri müəyyənləşib. B Liqasının 1-ci qrupunda yer alan U-17 Uels, Kosovo və Moldova yığmaları ilə mübarizə aparacaq.
B Liqasının 5-ci qrupunda qərarlaşan U-19 isə Sloveniya, Şimali Makedoniya və Gürcüstan seçmələri ilə qarşılaşacaq.
Oyunlar bu ilin payızında keçiriləcək. Turnirin təşkil olunacağı ölkə və tarixlərlə bağlı daha sonra məlumat veriləcək.
Bölmənin digər xəbərləri
