AZƏRBAYCAN YIĞMASI GÜLƏŞ ÜZRƏ DÜNYA ÇEMPİONATINI BİRİNCİ YERDƏ BAŞA VURMUŞDUR
Bakı, 28 sentyabr (AZƏRTAC). Azərbaycanın güləş üzrə yığma komandası Danimarkada başa çatmış dünya çempionatını ümumi komanda hesabında birinci yerdə başa vurmuşdur.
Azərbaycan idmançıları sərbəst, yunan-Roma və qadın güləşi üzrə yarışlarda ümumilikdə 128 xal toplayaraq dünya çempionatında iştirak edən bütün komandaları qabaqlamışlar. Rusiya ikinci, İran komandası isə üçüncü yeri tutmuşdur.
Xatırladaq ki, Azərbaycan yığması bu mötəbər yarışda 3 qızıl, 4 gümüş və 3 bürünc medala sahib olmuşdur.
Bölmənin digər xəbərləri
