Azərbaycanda 20 mindən çox qadın ad günlərini 8 martda qeyd edir
Bakı, 7 mart, AZƏRTAC
Ədliyyə Nazirliyi Azərbaycanda 8 mart tarixində doğulan qadınların sayı barədə statistik rəqəmləri ictimaiyyətə təqdim edib.
Nazirliyin mətbuat xidmətindən AZƏRTAC-a bildiriblər ki, hazırda ölkəmizdə həmin tarixdə doğulmuş 20 min 681 qadın var. Onlardan 18 yaşına çatmayanların sayı 5305, 14 yaşdan 29 yaşadək olanların sayı isə 6966 nəfərdir.
Yaşı 29-dan yuxarı olan qadınların sayı isə 10267 nəfərdir. Onlardan 6292 nəfəri 40 yaşdan, 4080 nəfəri 50 yaşdan, 1953 nəfəri 60 yaşdan, 714 nəfəri 70 yaşdan, 331 nəfəri 80 yaşdan, 35 nəfəri isə 90 yaşdan yuxarı olanlardır.
Ötən il martın 8-də doğulmuş qadınların sayı isə 169 nəfərdir.
Bölmənin digər xəbərləri
