Azərbaycanda Dünya Turizm Günü silsilə tədbirlərlə qeyd olunacaqdır
Bakı, 22 sentyabr (AZƏRTAC). Azərbaycanda 2011-ci ilin “Turizm ili” elan edilməsi çərçivəsində Dünya Turizm Gününün təntənəli şəkildə qeyd olunması məqsədilə sentyabrın 27-də Mədəniyyət və Turizm Nazirliyi tərəfindən bir sıra tədbirlərin keçirilməsi nəzərdə tutulur.
Nazirliyin mətbuat xidmətindən AZƏRTAC-a bildirmişlər ki, həmin gün “Kempinski Hotel Badamdar” mehmanxanasında ümumrespublika daxili turizm konfransı keçiriləcək, Dənizkənarı Milli Parkda əl sənətkarlığı nümunələri sərgisi açılacaq, axşam isə konsert proqramı təqdim ediləcəkdir. Həmin gün, eyni zamanda, ölkə muzeylərində “Açıq qapı günü” elan olunmuşdur.
Bölmənin digər xəbərləri
