Azərbaycandan Monteneqroya birbaşa reyslər təşkil ediləcək
Bakı, 7 fevral, AZƏRTAC
Bu ilin iyulun 5-dən sentyabrın 13-dək “PASHA Holidays” (“PASHA Travel”in struktur bölməsi) Monteneqronun Tivata şəhərinə çarter reysləri təşkil edəcək.
Avropanın bu turizm regionunun imkanlarının təqdimatı fevralın 8-də “JW Marriott Absheron Baku” hotelində reallaşacaq.
Milli Turizm Təbliğat Bürosundan AZƏRTAC-a verilən məlumata görə, tədbirdə Azərbaycanla Monteneqro və Xorvatiya arasında ikitərəfli əməkdaşlığın perspektivləri müzakirə olunacaq.
Təqdimatda Azərbaycanın 300-ə qədər turizm şirkətinin nümayəndəsi iştirak edəcək.
Qeyd edək ki, Monteneqro Azərbaycanla vizasız rejim tətbiq edib.
Bölmənin digər xəbərləri
