Azərbaycanı vinq çun üzrə beynəlxalq turnirdə 13 idmançı təmsil edəcək
Bakı, 1 iyul, AZƏRTAC
Azərbaycan idmançıları Çinin Foşan şəhərində keçiriləcək vinq çun üzrə beynəlxalq turnirdə iştirak edəcəklər.
Bu barədə AZƏRTAC-a Azərbaycan Vinq Çun Federasiyasının və Azərbaycan Çin Döyüş Növləri Assosiasiyasının prezidenti Asif Sayadov məlumat verib.
Onun sözlərinə görə, ölkəmizi yarışda 13 idmançı təmsil edəcək.
Federasiya rəhbəri qeyd edib ki, beynəlxalq turnir idmançıların təcrübəsinin artırılması və Azərbaycanın vinq çun idman növü üzrə beynəlxalq arenada uğurla təmsil olunması baxımından mühüm əhəmiyyət daşıyır.
Turnir iyulun 21-27-də təşkil olunacaq.
Bölmənin digər xəbərləri
