Azərbaycanın 2 boccia idmançısı “Intercontinental Challenger” çempionatının finalına vəsiqə qazanıb
Bakı, 6 aprel, AZƏRTAC
Azərbaycan Milli Paralimpiya Komitəsinin (AMPK) boccia idman növü üzrə milli komandasının üzvləri Bəhruz Mirzəyev (BC-4) və Sona Ağayeva (BC-2) Xorvatiyanın paytaxtı Zaqrebdə keçirilən “Intercontinental Challenger” çempionatında finala vəsiqə qazanıblar.
AMPK-nın mətbuat xidmətindən AZƏRTAC-a bildiriblər ki, finalda B.Mirzəyev ukraynalı Artem Kolinko, S.Ağayeva isə portuqaliyalı Ana Korreia ilə qarşılaşacaq.
Digər idmançımız Orxan Kərimov (BC-2) bürünc medal uğrunda çexiyalı Josef Zabka ilə mübarizə aparacaq.
Turnirin final mərhələsi aprelin 7-də təşkil olunacaq.
Qeyd edək ki, yarış “Paris-2024” Yay Paralimpiya Oyunlarına lisenziya xalı qazandırır.
Bölmənin digər xəbərləri
